Asemblea do Suído

O seu goberno municipal rexeita solicitar á Consellaría de medio Ambiente a paralización de tódolos proxectos mineiros, eólicos e hidráulicos que poñen en perigo a conservación destes lugares

O goberno municipal do PP de Covelo rexeitou unha moción presentada pola Asemblea do Suído no último pleno municipal, para solicitar á Consellaría de Medio Ambiente medidas cautelares para evitar a deterioración da Serra do Suído e do río Tea (afectados por varios proxectos mineiros, eólicos e hidráulicos). Asemade tamén rexeitou a solicitude de maior espazo de protección para o Suído e para o Tea. A ampliación do Suído incluiría a parte norte e o Coto de Eira, agora excluídos polos intereses eólicos e mineiros. A ampliación do Tea solicitada abarcaría a totalidade do río Tea (incluíndo as súas fragas na bacía alta nas parroquias covelenses de Campo, Fofe, Godóns e Prado, agora excluídas), o río Alén até o seu nacemento no Coto de Eira e a totalidade do río Xabriña até a Paradanta. (máis…)

A ampliación solicitada do Suído incluiría a parte norte, agora excluída polos intereses eólicos e mineiros. A ampliación do Tea solicitada abarcaría a totalidade do río Tea (incluíndo as súas fragas na bacía alta nas parroquias covelenses de Campo, Fofe, Godóns e Prado, agora excluídas), o río Alén até o seu nacemento no Coto de Eira e a totalidade do río Xabriña até a Paradanta

A Serra do Suído constitúe un espazo de elevado interese ambiental e patrimonial debido á presenza de hábitats de elevado valor ecolóxico para a súa conservación e a unha extensa rede de construcións etnográficas e arqueolóxicas. A importancia dos seus valores naturais é recoñecida pola propia Xunta de Galicia, de maneira que forma parte da Proposta de Ampliación da Rede Natura 2000 en Galicia elaborada pola Dirección Xeral de Conservación da Natureza, LIC Serra do Suído ES1140017 (Anuncio do 21 de decembro de 2011, da Dirección Xeral de Conservación da Natureza, polo que se acorda someter á participación pública a proposta de ampliación da Rede Natura 2000 de Galicia, DOG nº 1 do 2 de xaneiro de 2012).

(máis…)

O vindeiro domingo 18 de marzo subimos ao Suído para reclamar a protección da serra fronte ás ameazas de construción de máis parques eólicos e canteiras. A pesar de estar proposta para formar parte da rede Natura 2000, a Xunta de Galicia meteu a tesoira á proposta inicial de protección deste espazo, para poder autorizar máis parques eólicos, canteiras e minicentrais hidráulicas.

A Asemblea do Suído reclama a protección integral deste espazo de media montaña, xunto co río Tea e os seus afluentes, Alén  e Xabriña e mailo Coto de Eira. O domingo 18 de marzo ás 10:00 horas quedamos na praza do Mestre Cerviño, en Covelo, para ir até a Serra do Suído (hora de remate: 18:00 horas). Prégase que @s participantes na marcha, leven comida e mais roupa e calzado resistentes.

As obras estanse a realizar sen ningún tipo de licenza en solo rústico forestal, no vello pasteiro de Achas. Pretenden construír unhas pistas de aterraxe, un aparcadoiro, unhas gradas e unha cafetería carecendo de proxecto e de permisos administrativos, para o club de aeromodelismo “Vuelo a Vela Fontefría”

A Asemblea do Suído xa denunciou os feitos e púxoos en coñecemento da Gardería Forestal e de Conservación da Natureza da Consellaría do Medio Rural e do Mar, da Xunta de Galicia (que xa actuou de oficio). As obras (máis…)

Tódolos proxectos de explotación e investigación mineira (Lebres, Castelo e Longo) son promovidos por David Fernández Grande, INVESTROC S.L., e afectan aos concellos de Carballeda de Avia, Covelo, Fornelos de Montes e Melón, nas serras do Faro de Avión e do Suído, na bacía alta do espazo da rede Natura 2000 e Lugar de Interese Comunitario, Río Tea.

Neste intre, existen 3 proxectos en diferentes zonas: 2 están na Serra do Suído, que proximamente formará parte tamén da rede Natura 2000; o 1º é un permiso de investigación na parroquia covelense de Piñeiro, nun lugar de difícil acceso e para o que a empresa INVESTROC SL, pretende construír un acceso novo de 5 km (por riba da poza de Piñeiro); o 2º é un proxecto de explotación na parroquia covelense da Graña, tamén no corazón da serra. O 3º e último proxecto afecta á Serra do Faro de Avión, na parroquia covelense de Prado, no lugar onde nace o Río tea, “Fonte Tea”.

(máis…)

O Ateneo Libertario Lume Negro, de Ponteareas, organiza as IV Tardes Libertarias, co título: As plantas de biomasa e outras malas herbas. A Asemblea do Suído participará nas mesmas cun relatorio sobre conflitos e enerxía, centrado na problemática xerada na Serra do Suído e noutros espazos de alto valor ecolóxico de Galicia, coa instalación de grandes parques eólicos. A cita será o vindeiro venres 8 de xullo ás 21:00 horas, no auditorio municipal de Ponteareas, Reveriano Soutullo. Para máis info: http://www.lumenegro.blogspot.com

O vindeiro domingo 17 de abril, membros de Verdegaia, ASCEL e Asemblea do Suído organizamos unha ruta polos chozos e unha visita a un dos foxos de lobo da Serra do Suído, situada nos concellos pontevedreses da Lama, Fornelos de Montes e Covelo e ourensáns de Avión e Beariz.

Son os restos dun modo de vida tradicional que perdurou (e perdura aínda en parte) nesta Serra do Sur da Dorsal galega. Os chozos son unhas construcións que protexían aos pastores das inclemencias climáticas e os foxos son unhas antigas trampas medievais que se empregaban para cazar lobos. A persecución do gran carnívoro naquela época foi espectacular. Na actualidade, nesta Serra pervive aínda o lobo e parte da cultura asociada.

(máis…)

O vindeiro 22 de maio celebraranse eleccións municipais en Galicia. Coa presentación deste documento as organizacións ecoloxistas máis representativas do ámbito galego, queremos salientar a importancia crucial dos concellos (por mor das súas responsabilidades e competencias) á hora de realizar actuacións tendentes a acadar un modelo ecoloxicamente sustentable no noso país. “Un Programa pola Terra” engloba unha serie de propostas para que as diferentes organizacións políticas as integren na súa acción de goberno ou de oposición nos diferentes concellos de Galicia.

Debido á enorme magnitude da crise ambiental global, causada por un modelo social inxusto que explota de xeito ilimitado o noso planeta finito (os seus recursos materiais e as súas formas de vida), perceptible, entre outros moitos factores, no cambio climático da Terra e na perda a pasos de xigante de biodiversidade, consideramos preciso e urxente un cambio profundo nas políticas desenvolvidas polas Administracións Municipais: ben por posuír un alto grao de implicación na xestión medioambiental a nivel local, ben pola súa estreita relación e proximidade coa cidadanía.

(máis…)

Co gallo do Día Mundial da Auga, os colectivos ecoloxistas Adega, Amigos da Terra, Federación Ecoloxista Galega, Sociedade Galega de Historia Natural e Verdegaia presentan un manifesto na procura dunha mudanza radical no xeito de entendermos a cidadanía e o conxunto das Administracións Públicas o uso deste elemento vital para a vida.

O xeito de xestionar a súa demanda tanto na faciana extractiva como de depuración reverterá na calidade do noso ecosistema e na sustentabilidade da nosa sociedade. É imprescindíbel acometer unha mudanza radical na xestión dos recursos hídricos que permita mellorar a calidade ecolóxica das augas litorais e continentais mediante a diminución do consumo e unha axeitada depuración, á vez que se garante a xestión pública

(máis…)

DOUS SALTOS HIDROELÉCTRICOS APROBADOS POLA XUNTA DE GALICIA NO RÍO OITAVÉN ACABARÁN CUNHA COLONIA DE CENTOS DE MORCEGOS E BOTARÁN POR TERRA A INCLUSIÓN DO RÍO OITAVÉN NA REDE NATURA 2000

O Programa das Nacións Unidas para o Medio Ambiente (PNUMA) declarou o ano 2011 coma o Ano Internacional dos Morcegos, co gallo de lembrar a alarmante diminución das súas poboacións e a situación de perigo de extinción de moitas das súas especies.

(máis…)